വ്യക്തിപരിചയം

ഞാന്‍ കണ്ട ചന്ദ്രകുമാര്‍ എന്‍.പി

2011-01-12T01:10:00.000-08:00

ചിത്രത്തില്‍ ഞെക്കിയാല്‍ സര്‍ക്കാര്‍ പ്രസിദ്ധീകരണമായ ജനപഥം ഡൌണ്‍ലോഡ് ചെയ്യാം.

ശ്രീ ചന്ദ്രകുമാറിനെ ഞാന്‍ പരിചയപ്പെടുന്നത് സ്കൈപ്പ് ചാറ്റിലൂടെയാണ്. സ്കൈപ്പിലെ ലാന്‍ഡ് ലൈന്‍ നമ്പറാണ് അദ്ദേത്തെ ബന്ധപ്പെടുവാന്‍ എന്നെ സഹായിച്ചത്. അതിന് ശേഷമാണ് അദ്ദേഹം ബ്ലോഗ് തുടങ്ങുന്നത്. ബ്ലോഗറില്‍ അദ്ദേഹം വരുന്ന സമയത്ത് 99% ബ്ലോഗെഴുത്തുകാരും യുവാക്കളായിരുന്നു. അതിനാലാണ് അങ്കിള്‍ എന്ന് സ്വയം അദ്ദേഹത്തെ ബൂലോഗത്തിന് പരിചയപ്പെടുത്തിയത്. ഞാനുമായി പരിചയപ്പെട്ടശേഷം ബ്ലോഗുകളെപ്പറ്റിയുള്ള സംശയങ്ങള്‍ ജീമെയില്‍ ചാറ്റിലൂടെ ആവര്‍ത്തിക്കുകയും ഞാനൊരു ഐ.ടി പ്രൊഫഷണല്‍ അല്ല എന്ന് ബോധ്യപ്പെടുത്തുവാന്‍ ബുദ്ധിമുട്ട് അനുഭവപ്പെടുകയും ചെയ്തു. ആദ്യമായി നേരില്‍ കാണുന്നത് റയില്‍വ്വേസ്റ്റേഷനില്‍ വിശ്വപ്രഭയേയും കൂട്ടരേയും സ്വീകരിക്കാന്‍ എത്തിയപ്പോഴാണ്.

വിശ്വപ്രഭയുടെ ശ്രമഫലമായി അങ്കിളിന്റെ വീട്ടില്‍ എട്ട് മലയാളസ്നേഹികളിടെ (വിശ്വം, ഹുസൈന്‍, ഫാര്‍മര്‍, അങ്കിള്‍, കെവിന്‍, പ്രതീഷ്, അനിവര്‍, ആദര്‍ശ് എന്നവര്‍) ആദ്യമായി തിരുവനന്തപുരത്ത് ഒരു ഒത്തുചേരലിന് അവസരമൊരുക്കുകയും പകര്‍ത്തിയ ചിത്രങ്ങളില്‍ ആദ്യ ഏഴ് എണ്ണം അങ്കിള്‍ പിക്കാസയില്‍ പ്രസിദ്ധീകരിക്കുകയും ചെയ്തു. ബാക്കി ചിത്രങ്ങള്‍ വി.കെ ആദര്‍ശിന് അവാര്‍ഡ് കിട്ടിയപ്പോള്‍ എടുത്തതാണ്. രാത്രി ഭക്ഷണം അങ്കിളിന്റെ ഭാര്യ ചുട്ടുതന്ന ചൂട് ദോശതിന്നുകൊണ്ടായിരുന്നു. തദവസരത്തിലാണ് അങ്കിള്‍ 1986 ല്‍ കമ്പ്യൂട്ടറില്‍ മലയാളം എത്തിച്ചതായുള്ള വാര്‍ത്ത മാതൃഭൂമിയില്‍ വന്നത് കാണിച്ചതും സ്കാന്‍ ചെയ്തയക്കുവാന്‍ എന്നെ എല്‍പ്പിച്ചതും. രചന ഫോണ്ടിന്റെ നിര്‍മ്മാതാവ് ഹുസൈന്‍ അഞ്ജലിഓള്‍ഡ്ലിപി എന്ന പ്രസിദ്ധിയാര്‍ജിച്ച ഫോണ്ട് നിര്‍മ്മാതാവ് കെവിന്‍ എന്നിവരുടെ സാന്നിധ്യത്തിലാണ് അങ്കിള്‍ 1986 ലെ മാതൃഭൂമി പത്രം കാണിച്ചുതന്നത്. പത്രവാര്‍ത്തകളുടെ അടിസ്ഥാനത്തില്‍ വിക്കിയില്‍ ചേര്‍ക്കാമെന്നിരിക്കെ ചേര്‍ത്തത് ഞാനായതുകൊണ്ട് നിഷേധിക്കപ്പെട്ടു. സ്കാന്‍ ചെയ്ത മാതൃഭൂമി വാര്‍ത്ത സിബു ജോണിയ്ക്കും അങ്കിളിനും അയച്ചത് അങ്കിളിന് കിട്ടാതെ വന്നു. അതാണ് സിബു വരമൊഴിയുടെ ചരിത്രം എന്ന ആംഗലേയപോസ്റ്റില്‍ നിന്ന് എന്റെ പോസ്റ്റിലേക്ക് പേജിന്റെ താഴെഅറ്റത്ത് [3] എന്ന നമ്പരില്‍ കൊടുത്തിരിക്കുന്നത്. വിശ്വവും, കെവിനും, അനിവറും അങ്കിളിന്റെ വീട്ടില്‍ തങ്ങിയശേഷം അടുത്തദിവസം അങ്കിളിന്റെ കാറില്‍ എന്റെ വീട്ടില്‍ അവരെയും കൂട്ടി വന്നശേഷമാണ് തിരികെ പോയത്. അന്നാണ് ഞാന്‍ അനിവറിനെ പരിചയപ്പെടുന്നതും ഗ്നു-ലിനക്സിലേയ്ക്ക് കടക്കുവാന്‍ കാരണമാകുന്നതും.

തിരുവനന്തപുരം ബ്ലോഗേഴ്സ് ഗ്രൂപ്പിന്റെ തുടക്കംമുതലുള്ള സജീവ സാന്നിധ്യമായിരുന്നു അങ്കിള്‍. 2007 നവംബര്‍ പത്തിനാണ് ആദ്യമായി തിരുവനന്തപുരത്ത് മലയാളം ബ്ലോഗര്‍മാര്‍ ഒത്തുചേര്‍ന്നത്. അന്നേദിവസത്തെ ആഹാരമുള്‍പ്പെടെ ചെലവ് വഹിച്ചതും അങ്കിളിന്റെ വീട്ടില്‍ത്തന്നെ സൌകര്യമൊരുക്കിയതും എല്ലാം അങ്കിളിന്റെ മഹത്വം. ക്യാമറയുമായി വന്ന് ചിത്രങ്ങള്‍ പകര്‍ത്തിയത് സന്തോഷ് ജനാര്‍ദ്ദനനും. വാര്‍ത്തകള്‍ കേരളകൌമുദിയില്‍ പ്രസിദ്ധീകരിച്ചത് രാജേഷ് ടി.സി ആയിരുന്നു. 2007 ഡിസംബര്‍ 16 ന് Old Hands at Blogging എന്ന Times of India യില്‍ വന്ന വാര്‍ത്ത അന്നത്തെ ബ്ലോഗര്‍മാരില്‍ പ്രായം കൂടിയതായി ഞങ്ങളെ മാത്രമേ മലയാളത്തില്‍ കിട്ടിയുള്ളു എന്നതാവാം കാരണം. 2007 ഡിസംബറില്‍ ഹരീ രചിച്ച ഫോട്ടോഷോപ്പുമായി ബന്ധപ്പെട്ട പുസ്കക പ്രകാശന ചടങ്ങിലും ഞങ്ങള്‍ പങ്കെടുത്തു. എനിക്ക് മുന്നേ അങ്കിള്‍ കൂട്ടം എന്ന സോഷ്യല്‍ നെറ്റ്‌വര്‍ക്കില്‍ ചേര്‍ന്നിരുന്നു. അദ്ദേഹത്തിലൂടെയാണ് കൂട്ടത്തെപ്പറ്റി അറിയുന്നത്.

റബ്ബര്‍ ബോര്‍ഡില്‍നിന്നും 2006-07 വര്‍ഷത്തെ കയറ്റുമതി രേഖകള്‍ ലഭിക്കുന്നതിനുവേണ്ടി വിവരാവകാശനിയമത്തെപ്പറ്റി എന്നെ പഠിപ്പിച്ചതും സഹായിച്ചതും അങ്കിളായിരുന്നു. കേരളപഠനകോണ്‍ഗ്രസില്‍ അവതരിപ്പിക്കുവാനുള്ള പ്രസന്റേഷന്‍ തയ്യാറാക്കി അവതരിപ്പിക്കുന്നതിന് മുന്‍പ് ഗൂഗിള്‍ ഡോക്കിലൂടെ അദ്ദേഹത്തിന് പങ്കുവെച്ചിരുന്നു. മിസ്സിംഗ് എന്നാല്‍ എന്താണ് എന്ന എന്റെ ആംഗലേയം വായിക്കുന്നവര്‍ക്ക് മനസിലാകത്തക്കവിധത്തില്‍ ശരിയാക്കിത്തന്നതും അങ്കിളായിരുന്നു.

സ്വതന്ത്ര സോഫ്റ്റ്‌വെയറുമായി ബന്ധപ്പെട്ട് മസ്ക്കറ്റ് ഹോട്ടലില്‍ നടന്ന സെമിനാറിലും അദ്ദേഹം അവതാരകനായിരുന്നു. അതാണ് അമൃത എഞ്ചിനീയറിംഗ് കോളേജിലേയ്ക്ക് എനിക്കും അദ്ദേഹത്തിനും ക്ഷണം ലഭിക്കാന്‍ കാരണം. കാര്‍ട്ടൂണിസ്റ്റ് ടി.കെ സുജിത് , എഫ്.ഇ.സി , അമൃതയിലെ ഫോസ്റ്റര്‍ 09 (ഞാനും അങ്കിളും പങ്കെടുത്തത്) എന്നിവ അങ്കിളിന്റെ പിക്കാസയില്‍ പ്രസിദ്ധീകരിച്ചവയാണ്. എഫ്.ഇ.സി എന്ന ഗൂഗിള്‍ കൂട്ടത്തെ എനിക്ക് പരിചയപ്പെടുത്തിത്തന്നത് അങ്കിളായിരുന്നു. അദ്ദേഹം എന്നോട് പറഞ്ഞത് അവിടെ നടക്കുന്ന ചര്‍ച്ചകള്‍ മുഴുവനും ആംഗലേയത്തിലാണ് അതിനാല്‍ മനസിലാക്കാന്‍ ബുദ്ധിമുട്ടുണ്ടാവും എന്നായിരുന്നു. തിരുവനന്തപുരത്ത് വരുന്ന ബ്ലോഗര്‍മാര്‍ തങ്ങാന്‍ തെരഞ്ഞടുക്കുന്നത് അങ്കിളിന്റെ വിടായിരുന്നു. കെവിന്‍ പരീക്ഷ എഴുതുവാന്‍ വന്നാലും അപ്പുവും കുടുംബവും തിരുവനന്തപുരത്ത് വന്നാലും അങ്കിളിന്റെ വീട് അവര്‍ക്ക് സ്വന്തം വീടായിരുന്നു. അപ്പുവിന് അങ്കിളിനോടുള്ള ബഹുമാനം കൊണ്ടാവാം യയാതികൂട്ടം എന്ന ഗ്രൂപ്പിനും, യയാതിപുരം എന്ന ബ്ലോഗിനും ചാറ്റിലൂടെ പ്രേരണനല്‍കുകയും പ്രോത്സാഹിപ്പിക്കുകയും ചെയ്തത്. മുതിര്‍ന്നവരെ ബഹുമാനിക്കാത്ത ചുറ്റുപാട് പലപ്പോഴും ബൂലോഗത്തുണ്ടായത് അപ്പുവിനെയും വേദനിപ്പിച്ചുകാണും.

എസ്.എം.സിയുടെ ഫെബ്രുവരി 2008 ലെ മീറ്റ്, തിരുവനന്തപുരത്തുനടന്ന ബ്ലോഗ് അക്കാദമിയുടെ മേയ് 2008 ലെ പത്രസമ്മേളനം , ശില്പശാലയില എന്നിവയിലെ സജീവ സാന്നിധ്യമായിരുന്നു അങ്കിള്‍. പ്രസ്തുത ശില്പശാലയില്‍വെച്ചാണ് അപ്പുവിന്റെ ആദ്യാക്ഷരി എന്ന പുതുമുഖങ്ങള്‍ക്ക് ഉപകാരപ്രദമായ ബ്ലോഗ് അങ്കിളിലൂടെ വെളിച്ചം വീശിയത്. സ്വകാര്യമായി ആരംഭിച്ച പ്രസ്തുതബ്ലോഗ് മറ്റ് ബ്ലോഗേഴ്സിനും ഉപകാരപ്രദമാകും എന്ന തോന്നലാണ് അപ്പുവിനെക്കൊണ്ട് തയ്യാറാക്കിച്ച് അങ്കിള്‍തന്നെ ഉത്ഘാടനവും നിര്‍വ്വഹിച്ചത്. ആലപ്പുഴയില്‍ കെന്നി ജേക്കബിന്റെ കൂട്ടുകാരുടെയും ശ്രമഫലമായി നടന്ന ബ്ലോഗ്ക്യാമ്പില്‍ അങ്കിള്‍ പങ്കെടുക്കാമെന്നേറ്റിരുന്നെങ്കിലും അത്യാവശ്യമായി ഡല്‍ഹിയില്‍ മകളുടെ അടുത്ത് പോകേണ്ടി വന്നതുകാരണം സാധിച്ചില്ല. ഡല്‍ഹിയിലിരുന്നുകൊണ്ട് മരുമകന്റെ പേരില്‍ ലോഗിന്‍ ചെയ്തിട്ടിരുന്ന കമ്പ്യൂട്ടറില്‍ നിന്ന് ഒരു കമെന്റ് രേഖപ്പെടുത്തിയതിന് ബൂലോഗം അദ്ദേഹത്തെ ചില്ലറയ്ക്കൊന്നുമല്ല വിരട്ടിയത്. WTO Cell സിമ്പോസിയത്തില്‍ എന്റെ ക്ഷണം സ്വീകരിച്ച് അങ്കിള്‍ വരികയും ചിത്രങ്ങള്‍ പകര്‍ത്തിത്തരുകയും ചെയ്തു. അവിടെ സന്നിഹിതനായിരുന്ന ഡോ. തോമസ് വര്‍ഗീസ് ഇപ്പോഴും ചന്ദ്രകുമാര്‍ പ്രസ്തുദവേദിയില്‍ വന്നകാര്യം ഓര്‍ക്കുന്നുണ്ട്. 2008 ഒക്ടോബറില്‍ നടന്ന തിരുവനന്തപുരം ബ്ലോഗേഴ്സ് മീറ്റ് ഹോട്ടല്‍ ഇന്ദ്രപുരിയില്‍ നടന്നു. 2009 ജൂലായില്‍ നടന്ന അനേകം പേര്‍ പങ്കെടുത്ത ചെറായി മീറ്റ് അവിസ്മരണീയമായ ഒന്നായിരുന്നു.

കെന്നിയുടെ ശ്രമഫലമായി തിരുവനന്തപുരം ബ്ലോഗര്‍മാരും ട്വീറ്ററന്‍മാരും മുന്‍ കേന്ദ്ര വിദേശകാര്യ സഹമന്ത്രി ഡോ. ശശിതരുമായി ഹോട്ടല്‍ ഗീതില്‍വെച്ച് നടത്തിയ സംവാദത്തില്‍ ശശി തരൂര്‍ പറഞ്ഞ വാഗ്ദാനങ്ങളുടെ ലിസ്റ്റുമായാണ് അങ്കിള്‍ വന്നത് . അത് അവിടെ അവതരിപ്പിക്കുകയും സ്വന്തം ക്യാമറയില്‍ അവിടെ നടന്ന ചര്‍ച്ച അതേപടി റിക്കോര്‍ഡ് ചെയ്ത് പ്രസിദ്ധീകരിക്കുവാനായി എന്നെ ഏള്‍പ്പിച്ചു. പ്രസ്തുത വേദിയില്‍ ഉത്ഘാടനം ചെയ്ത ഷൌട്ട്ഔട്ട് എന്ന സൈറ്റിന്റെ അണിയറയിലും അങ്കിള്‍ പ്രവര്‍ത്തിച്ചു. അമേരിക്കയിലെ അരിസോണയിലിരുന്ന് ഡോ. ബ്രിജേഷ് നായര്‍ പിക്കാസയില്‍ പ്രസ്തുത പരിപാടിയുടെ ചിത്രങ്ങള്‍ പ്രസിദ്ധീകരിച്ചു. അവിടെവെച്ചാണ് ഞങ്ങള്‍ ബ്രിജേഷിന്റെ അച്ഛന്‍ ഡോ. അച്ചുതന്‍ നായരെ പരിചയപ്പെടുന്നത്. മന്ത്രിപദം രാജിവെച്ച് തിരുവനന്തപുരത്തെത്തിയപ്പോള്‍ സ്വീകരിക്കാന്‍ ഞങ്ങളും പോയിരുന്നു. 2010 ജൂലൈ 11 ന് നടന്ന ലോകത്തിലെ ഏറ്റവും വലിയ കൂട്ടായ്മയായ കൂട്ടത്തിന്റെ കേരളമീറ്റ് വൈലോപ്പിള്ളി സംസ്കൃതിഭവനില്‍ നടക്കുകയുണ്ടായി പ്രസ്തുത മീറ്റില്‍ അങ്കിള്‍, സി.എന്‍.ആര്‍ നായര്‍, വിപിന്‍, ഡോ. ജയന്‍ ദാമോദരന്‍ തുടങ്ങിയവര്‍ തിരുവനന്തപുരം ബ്ലോഗേഴ്സ് ഗ്രൂപ്പില്‍നിന്നും പങ്കെടുത്തിരുന്നു.

പ്രമുഖ പത്രപ്രവര്‍ത്തകനായ ശ്രീ കെ. ഗോവിന്ദന്‍കുട്ടിയെ ഇന്റെര്‍നെറ്റില്‍ മലയാളം എഴുതുവാന്‍ സഹായിക്കാനായി അങ്കിള്‍ അദ്ദേഹത്തിന്റെ വിട്ടില്‍ ചെന്നിരുന്ന് പഠിപ്പിച്ചപ്പോള്‍ ചില സംശയ നിവാരണത്തിന് എന്നെ വിളിച്ചത് ഞാനിന്നും ഓര്‍ക്കുന്നു. കെ.ജി.കെയുടെ പുസ്തക പ്രകാശനം ഫോര്‍ത്ത് എസ്റ്റേറ്റ് ഹാളില്‍ ഡോ. ശശി തരൂര്‍ പ്രകാശന കര്‍മ്മം നിര്‍വ്വഹിച്ചതിന് ഞങ്ങളും സാക്ഷികളായി. ഓഡിറ്റ് വിഭാഗത്തെ വെട്ടിച്ച് പൊതുമരാമത്ത് വകുപ്പില്‍ നടന്ന ടെന്ററും റദ്ദാക്കലും അങ്കിള്‍ വിവാരവകാശനിയമം മുഖേന നേടിയെടുത്തത് പ്രസിദ്ധീകരിക്കുവാന്‍ മുഖ്യ മാധ്യമങ്ങള്‍ക്ക് താല്പര്യമില്ലാതെ വന്നപ്പോള്‍ കെ.ജി.കെയുടെ സഹായത്താല്‍ തേജസ് ഓണ്‍ലൈന്‍ ആണ് വെളിച്ചം കാണിച്ചത്. വിവരാവകാശ കമ്മീഷനെ ശാസിക്കുവാനുള്ള ശുപാര്‍ശ തള്ളിക്കളയണമെന്നാവശ്യപ്പെട്ട് സെക്രട്ടേറിയറ്റ് നടയില്‍ നടന്ന ധര്‍ണയിലും ഞങ്ങള്‍ ഒരുമിച്ചാണ് പങ്കെടുത്തത്. കേരളഫാര്‍മറുടെ ലേഖനങ്ങള്‍ മറ്റുള്ളവര്‍ക്ക് വായിച്ചാല്‍ മനസിലാകില്ല എന്നും അതിനാല്‍ മനസിലാകത്തക്കവണ്ണം തിരുത്തിയാലേ അതുകൊണ്ട് പ്രയോജനമുള്ളൂ എന്നും പലപ്രാവശ്യം എന്നെ അദ്ദേഹം ഉപദേശിച്ചിട്ടുണ്ട്. മനോരമ ദിനപത്രത്തിന്റെ സൈറ്റില്‍ പ്രതിദിന വിലകള്‍ ലഭ്യമാകുന്നതുവരെ അങ്കിളില്‍ നിന്നാണ് ഞാന്‍ ഫോണ്‍ ചെയ്ത് വില ശേഖരിച്ചിരുന്നത്.

എന്നോട് അങ്കിള്‍ പറഞ്ഞിരുന്നത് കുറച്ച് എഴുതുവാനും കൂടുതല്‍ വായിക്കുവാനും ആണ് അദ്ദേഹത്തിന് എന്നും താല്പര്യം എന്നാണ്. കുറച്ചുനാളുകള്‍ക്ക് മുമ്പ് യൂറിനറി ഇന്‍ഫെക്‌ഷന്‍ ബാധിച്ച് വേദനയറിയാതെ പ്രശ്നങ്ങള്‍ വഷളായപ്പോഴും, കാറ്ററാക്ടിന്റെ ഓപ്പറേഷനുവേണ്ടി നേത്രചികിത്സയ്ക്കായി സമീപിച്ചപ്പോള്‍ ഹൃദ്രോഗവിദഗ്ധന്റെ അനുമതി വേണമെന്ന് പറഞ്ഞപ്പോഴും കമ്പ്യൂട്ടറില്‍ ലോഗിന്‍ ചെയ്യാന്‍ കഴിയാതെ പോയ വ്യാകുലത എന്നോട് അദ്ദേഹം പങ്കുവെച്ചിട്ടുണ്ട്. എന്തായാലും കാറ്ററാക്ടിന്റെ ഓഫ്ഫറേഷന് ശേഷം കാഴ്ച വീണ്ടെടുക്കുകയും നെറ്റില്‍ സജീവമാകാന്‍ കഴിഞ്ഞതില്‍ അദ്ദേഹം സന്തോഷവാനും ആയിരുന്നു. ചെറുമക്കള്‍ ഡല്‍ഹിയില്‍ നിന്ന് നാട്ടില്‍ വന്നാല്‍ തിരികെ പോകുന്നതുവരെ കമ്പ്യൂട്ടര്‍ അവര്‍ക്കായി മാറ്റിവെച്ച് ഒരു സ്നേഹനിധിയായ മുത്തച്ഛന്റെ കടമയും അദ്ദേഹം നിറവേറ്റിയിരുന്നു. ഇനിയും പ്രസിദ്ധീകരിച്ചിട്ടില്ലാത്ത വിവരാവകാശത്തിലൂടെ ലഭിച്ച പലരേഖകളും അദ്ദേഹത്തിന്റെ പക്കല്‍ ഉണ്ട് എന്നത് നമുക്ക് വായിക്കാന്‍ കഴിയാതെ പോയതായി മാറി.

2010 ഡിസംബര്‍ 12 ന് നടന്ന ഡോ. പ്രശാന്ത് ആര്‍ കൃഷ്ണയുടെ വിവാഹത്തില്‍ പങ്കെടുക്കുവാന്‍ അങ്കിള്‍ താല്പര്യം പ്രകടിപ്പിച്ചിരുന്നു. ഒറ്റയ്ക്ക് പോകുവാനുള്ള ധൈര്യക്കുറവ് അദ്ദേഹം പ്രകടിപ്പിച്ചു. എന്റെ അസൌകര്യം കാരണം പോകാന്‍ കഴിഞ്ഞില്ല. താല്പര്യത്തിന് പ്രധാന കാരണം 1986 ല്‍ സ്കൂളില്‍ പഠിക്കുന്ന കാലത്ത് അങ്കിള്‍ മലയാള അക്ഷരങ്ങള്‍ കമ്പ്യൂട്ടറിലെത്തിച്ച വാര്‍ത്ത മാതൃഭൂമി ദിനപത്രം വായിച്ച് കേള്‍പ്പിച്ചതായുള്ള കമെന്റ് ആയിരുന്നു. അങ്കിളിനെ നെറ്റിലൂടെ തിരിച്ചറിഞ്ഞ പ്രശാന്തിന് അങ്കിളിനോടുള്ള ആദരവ് പ്രകടമായിരുന്നു.

അവസാനമായി ഞാന്‍ അങ്കിളിനെ നേരില്‍ കാണുന്നത് 2010 നവംബര്‍ 15 ന് നടന്ന എന്റെ മകന്റെ വിവാഹ റിസപ്ഷനിലാണ്.
9-01-2010 ല്‍ ഹൃദയാഘാതം മൂലം നിര്യാതനായ ശ്രീ ചന്ദ്രകുമാറിന് ആദരാഞ്ജലികള്‍.

ചെറായി ബ്ലോഗേഴ്സ് മീറ്റ്

2009-07-22T23:15:00.000-07:00

ഗ്രൂപ്പ്ഫോട്ടോ വലിയ രൂപത്തില്‍ കാണാം.

ഓരോ ചിത്രത്തിലും ഞെക്കിയാല്‍ ചെറായി മീറ്റിനെപ്പറ്റി അവര്‍ ഇട്ട പോസ്റ്റ് കാണാം.
അനോണിമസ് ഇല്ലാത്ത പുതിയ ബൂലോഗം. മീറ്റില്‍ പങ്കെടുത്തശേഷവും പല ബ്ലോഗര്‍മാരെയും തിരിച്ചറിയുവാന്‍ കഴിഞ്ഞിട്ടില്ലാത്തവര്‍ക്കായി എന്നെന്നും ബ്ലോഗില്‍ ഒന്നിക്കുവാനിവിടെ അവസരമൊരുക്കുന്നു. ഈ പോസ്റ്റില്‍ ചിത്രങ്ങള്‍ ഇടരുത് എന്നാഗ്രഹിക്കുന്നവര്‍ കമെന്റിലൂടെ അറിയിക്കുക. അറിയിച്ചാല്‍ നീക്കംചെയ്യുന്നതായിരിക്കും. പേഴ്സണല്‍ മെയിലുകളിലൂടെയോ ഫോണ്‍ കാളുകളിലൂടെയോ ദയവുചെയ്ത് ചിത്രം നീക്കുവാനായി പറയരുത്. എന്റെ ഈ മെയില്‍ ഐഡി chandrasekharan.nair at gmail.com എന്നതാണ്. ഒരു പുതു ബ്ലോഗര്‍ ഉള്‍പ്പെടെ 79 ബ്ലോഗേഴ്സ് പങ്കെടുത്ത ചെറായി കൂട്ടായ്മയുടെ ഓര്‍മ്മക്കായി ഇവിടെ സൂക്ഷിക്കുന്നു. നന്ദിയോടെ കേരളഫാര്‍മര്‍ എന്ന ചന്ദ്രശേഖരന്‍ നായര്‍.

പ്രൊഫൈല്‍ ചിത്രങ്ങള്‍ ഒഴികെ ഈ പോസ്റ്റില്‍ ഉള്‍‌പ്പെടുത്തിയിട്ടുള്ള ചിത്രങ്ങള്‍ മുഴുവനും ഹരീഷ് തൊടുപുഴയുടെ പോസ്റ്റില്‍ നിന്ന് എടുത്തതാണ്. ഇത്രയും നല്ല ചിത്രങ്ങള്‍ ലഭ്യമാക്കിയ ഹരീഷ് തൊടുപുഴക്ക് കേരളഫാര്‍മറുടെ കൂപ്പുകൈ.

ചെറായി ബ്ലോഗേഴ്സ് മീറ്റിന് മുമ്പും പിമ്പും
		1 അപ്പു വീട് പത്തനംതിട്ട ജില്ലയിലെ പന്തളത്ത്. ജോലി ദുബായ് നഗരത്തില്‍.
		2 അപ്പൂട്ടന്‍ ലൊക്കേഷന്‍: ദൈവത്തിന്റെ സ്വന്തം തലസ്ഥാനം : India
		3 സുനില്‍ കൃഷ്ണന്‍ എന്നെ ആകര്‍ഷിച്ച ഒരു സിനിമ, ഇഷ്ടമായ ഒരു പുസ്തകം,ഞാന്‍ ഇഷ്ടപ്പെട്ട വ്യക്തികള്‍, എന്റെ ഓര്‍മ്മകള്‍, ചിന്തകള്‍,കഥകള്‍,യാത്രകള്‍, രാഷ്ട്രീയവും സാമൂഹികവുമായ കാഴ്ചപ്പാടുകള്‍...
		4 ചാണക്യന്‍ ലൊക്കേഷന്‍: trivandrum : kerala : India
		5 പകല്‍കിനാവന്‍ ലൊക്കേഷന്‍: Dubai
മീറ്റില്‍ ജന്മം കോണ്ടു.		6 ഗോപന്‍ ഹരിപ്പാട് ജനിച്ചതിനാല്‍ ഹരിപ്പാട്ടുകാരന്‍ എന്നോ, ബാംഗ്ലൂരില്‍ താമസിക്കുന്നതിനാല്‍ ബാംഗ്ലൂരുകാരന്‍ എന്നോ, ഭൂലോകത്ത് ഉള്ളതിനാല്‍ ഭൂലോകവാസി എന്നോ, ബൂലോകത്ത് വന്നതിനാല്‍ ബൂലോകവാസി എന്നോ വിളിക്കാം.ഈ ബ്ലോഗുമായി ബന്ധപ്പെട്ട് പറഞ്ഞാല്‍ ഒരു ഗോകുലവാസി..
		7 അരുണ്‍ കായംകുളം 1980 ജൂലൈ 30നു അമ്മയുടെ വയറ്‌ കീറി പുറത്ത് വന്ന ഒരു അത്ഭുത ജീവി.ഒരു തലയും അതിനു വേണ്ട ശരീരവും അന്നേ ഉണ്ടായിരുന്നു.വളര്‍ന്ന് വന്നപ്പോള്‍ നാട്ടുകാര്‌ പറഞ്ഞു, "നാക്ക് ഇല്ലേല്‍ ഇവനെ പണ്ടേ കാടന്‍ കൊണ്ട് പോയേനെ"...
		8 ജുനൈത് എന്നാ പറയാനാ.....
		9 നിരക്ഷരന്‍ കര്‍മ്മം - എണ്ണപ്പാടത്ത് ലോഗിങ്ങ് എഞ്ചിനീയര്‍. സഹപ്രവര്‍ത്തകര്‍ ബ്ലോഗിങ്ങ് എഞ്ചിനീയര്‍ എന്ന് വിളിച്ച് തുടങ്ങിയിട്ടുണ്ട്. കര്‍മ്മസ്ഥാനം - എണ്ണ കിനിയുന്നിടമൊക്കെ‌. വീട് - ലോകമേ തറവാട്...
		10 പാവത്താന്‍ Love me or hate me but spare me your indifference.
		11 ബിന്ദു കെ പി സ്വദേശം:എറണാകുളം ജില്ലയിലുള്ള പുത്തന്‍‌വേലിക്കര എന്ന ഗ്രാമം. ഇപ്പോള്‍ അബുദാബിയില്‍ താമസം. ലോകത്തിലെ മറ്റേതു ഭാഷയെക്കാളും മലയാളഭാഷയെ സ്നേഹിക്കുന്ന ഒരു തനിമലയാളി‍...
		12 പിരിക്കുട്ടി ഞാന്‍ പിരികുട്ടി ഏത് സമയത്തു പിരി ഇളകുകയും മുറുകുകയും ചെയ്യുന്നതെന്നറിയാത്ത ഒരു പാവം കുശുമ്പികുട്ടി
		13 ഡോക്ടര്‍$നാസ് എന്നെ പറ്റി എന്ത് പറയാനാ... ജീവിതത്തിന്‍റെ ഈ യാത്രയില്‍ ഒരു ആതുര ശുശ്രൂഷകയായി (ഡെന്‍റല്‍) ജീവിക്കുന്നു... ഒത്തിരിയൊത്തിരി എഴുതാന്‍ ആഗ്രഹമുണ്ടെങ്കിലും ...
		14 മണികണ്ഠന്‍ I am from Kuzhuppilly, a coastal village situated about 20km away from Ernakulam town. I did my education at St: Gregories UPS Kuzhuppilly, HIHS Edavanakkad...
		15 കിച്ചു ഒരു പാവം ഇരിങ്ങാലക്കുടക്കാരി,അതോ ആലുവക്കാരിയോ?? രണ്ടും ആവാം.
		16 വല്ല്യമ്മായി അത്ര പാവമല്ലാത്ത ഒരു തൃശ്ശൂരുകാരി
		17 തറവാടി പാലക്കാട് ജില്ലയില്‍ തൃത്താലക്കടുത്ത മേലഴിയത്തുകാരന്‍ , 'എന്തിനേയും ചെമ്പെന്ന് കരുതണം' എന്ന ഉമ്മയുടെ പ്രമാണം ഇന്നുകളില്‍ കഴിവില്ലായ്മയായികാണുന്നതിനാല്‍ പ്രായോഗികമല്ലെന്ന് വിശ്വസിക്കുന്നു...
		18 ജോ സംസാര പ്രിയനല്ലാത്ത ഒരു സാധാരണ മനുഷ്യന്‍.
		19 മുരളിക യാത്രയും പ്രണയവും തൊഴിലാക്കിയ ഒരാള്‍.....
		20 പാവപ്പെട്ടവന്‍ അക്ഷരങ്ങളെയും എഴുത്തിനെയും വല്ലാതെ പ്രണയിക്കുന്ന ഒരു പാവം പ്രവാസി...
		21 പോങ്ങുമ്മൂടന്‍ വെറും അപ്രശസ്തന്‍ എന്നാല്‍ വിശ്വസ്തന്‍. 1977 -ല്‍ പാലായ്ക്കടുത്ത്‌ കുമ്മണ്ണൂരിലുള്ള നായന്‍മാരുടെ ആശുപത്രിയിലാണ്‌ ഈയുള്ളവന്‍റെ ജനനം. ജനിക്കുമ്പോള്‍ തൂക്കം 4 കിലോ 100ഗ്രാം. അങ്ങനെ, അന്ന്‌ തുടങ്ങിയ ...
		22 ധനേഷ് സ്വദേശം : കോട്ടയം ജില്ലയിലെ പൂഞ്ഞാര്‍. ഇപ്പോള്‍ അനന്തപുരിയില്‍ സോഫ്റ്റ്വെയര്‍ തൊഴിലാളി. അവിവാഹിതന്‍ ...
		23 വാഴക്കോടന്‍ ഞാന്‍ അബ്ദുല്‍ മജീദ്‌, തൃശ്ശൂര്‍ ജില്ലയിലെ മുള്ളൂര്‍ക്കര പഞ്ചായത്തില്‍ വാഴക്കോട് എന്ന കൊച്ചു ഗ്രാമത്തില്‍ ജനനം! ചേലക്കര ഗ്രേസ് സെന്‍ട്രല്‍ സ്കൂളിലും, ശ്രീ വ്യാസാ എന്‍ എസ് എസ് കോളേജിലും ...
		24 ഗോപക് സ്വപ്നങ്ങളേക്കാള്‍ സ്വപ്നഭംഗങ്ങള്‍ കൈമുതലായുള്ള -ഒരു നാട്ടിന്‍പുറത്തുകാരന്‍ "പറഞ്ഞതൊക്കെയും പതിരായി പോയി...
		25 ചാര്‍വാകന്‍ ലൊക്കേഷന്‍: kollam : kerala : India റയില്‍ പണിക്കാരന്‍.
		26 കൊട്ടോട്ടിക്കാരന്‍ ഒരു തോന്ന്യവാസിയുടെ വിഡ്ഢിത്തങ്ങളായോ വിഭ്രാന്ത ചിന്തകളായോ തോന്നാം, വായില്‍ തോന്നുന്നത്‌ വിളിച്ചുപറയാന്‍ മറ്റുമാര്‍ഗ്ഗങ്ങള്‍ ഇല്ലാത്തതിനാലാണ്‌....
		27 നന്ദകുമാര്‍ വര തലേവരയായതുകൊണ്ട് വരയും തലയും വിരലുമായി ജീവിത പര്‍വ്വങ്ങള്‍ താണ്ടുന്നു.
		28 ജിപ്പൂസ് ഈ ദുനിയാവിലെ കോടാനുകോടി മനുഷ്യ ജീവികളില്‍ ഒരുവന്‍.സൃഷ്ടാവിന്‍റെ തീരുമാനപ്രകാരം ഈ ഭൂമിയിലേക്ക് താല്‍‌ക്കാലിക വാസത്തിനായി വന്നു. കാലത്തിന്‍റെ അനന്തമായ പ്രയാണത്തിനിടയില്‍ കൂലം കുത്തിയൊഴുകുന്ന ...
		29 വെള്ളായണി വിജയന്‍ ഞാന്‍ വെള്ളായണി വിജയന്‍.1951-ല്‍ തിരുവനന്തപുരം ജില്ലയിലെ പ്രകൃതിരമണീയമായ വെള്ളായണി എന്ന ഗ്രാമത്തില്‍ ജനിച്ചു.ചരിത്രത്തില്‍ ബിരുദാനന്തര ബിരുദം നേടിയിട്ടുണ്ട്....
		30 മുള്ളൂക്കാരന്‍ ഞാന്‍....ഒരു യാത്രികന്‍...., കയ്യില്‍ പാഥേയവുമായി മോക്ഷംതേടി യുഗങ്ങളായി പ്രപഞ്ചം മുഴുക്കെ അലയുന്നവന്‍..... ജന്മജന്മാന്തരങ്ങള്‍ക്കിടയില്‍ എന്നോ കൈവന്ന മര്‍ത്യജന്മം മുഴുവന്‍, സ്നേഹമെന്ന പദത്തിന്റെ അര്‍ഥം അന്യേഷിച്ചു മൃത്യുപൂകിയവന്‍......
		31 സമാന്തരന്‍ സമാന്തര യാഥാര്‍ത്ഥ്യങ്ങളുടെ സത്യവിചാരങ്ങള്‍ ജീവിതത്തെ തലങ്ങും വിലങ്ങും അളന്നു വെക്കുമ്പോള്‍ ഞാനായിത്തന്നെയിരിക്കേണ്ടതിനെകുറിച്ച് ആവലാതിപ്പെടുന്നവനാകുന്നു ഞാന്‍.
		32 മനു.ജി സ്വദേശം പത്തനംതിട്ട ജില്ലയിലെ കോന്നി. പതിനഞ്ചുവര്‍ഷത്തോളം ദില്ലിയില്‍ കം‌പ്യൂട്ടര്‍ പ്രോഗ്രാമിങ്ങും അല്ലറചില്ലറ എഴുത്തുമായി ചിലവിട്ടു. ഇപ്പോള്‍ തിരുവനന്തപുരത്ത് എഫ്.എം റേഡിയോയില്‍ Creative Writer/Presenter
		33 എഴുത്തുകാരി ലൊക്കേഷന്‍: നെല്ലായി, തൃശൂര്‍ : India
		34 അങ്കിള്‍ ഞാര്‍ ചന്ദ്രകുമാര്‍. കം‌പ്യൂട്ടറും മലയാളവും ഒരുമിച്ച്‌ ചേര്‍ന്നു കാണാന്‍ 1986 മുതലേ ആഗ്രഹിച്ചൊരാള്‍. അതിന്റെ പ്രവര്‍ത്തന ഫലം ഇവിടെ കാണാം. (തിരുത്ത്) അതിന്റെ വിശദീകരണം ഇവിടെയും.
		35 അനില്‍@ബോഗ് ഒരു സാധാരണ മനുഷ്യന്‍, കൊച്ചുകൊച്ചു മോഹങ്ങള്‍, കൊച്ചുകൊച്ചു വാശികള്‍. മനസ്സിനു സ്ഥിരമായ ലാവണങ്ങളില്ല. ബ്ലൊഗിന്റെ ലോകത്തില്‍ വഴിപോക്കനായെത്തി, ഇവിടെ ഇനി എത്രകാലമെന്നു നിശ്ചയമില്ല.
		36 ലതി മുഴുവന്‍ പേര്: ലതികാ സുഭാഷ്. കോട്ടയം ജില്ലയിലെ ഏറ്റുമാനൂരിനടുത്ത് മാടപ്പാട് എന്ന ഗ്രാമത്തില്‍ ജനിച്ചു.ഇംഗ്ലീഷ് സാഹിത്യത്തില്‍ ബിരുദാനന്തര ബിരുദം,ജേര്‍ണലിസം പി.ജി.ഡിപ്ലോമ...തുടങ്ങിയ ഔപചാരിക വിദ്യാഭ്യാസത്തിനു ശേഷം അദ്ധ്യാപികയുടെ,പിന്നീട് പത്രപ്രവര്‍ത്തകയുടെ വേഷം.
		37 മണി ഞാനെന്ത് പറയാന്‍!
		38 അശ്വിന്‍
		39 നാട്ടുകാരന്‍ എന്റെ നാട് തൊടുപുഴക്കടുത്ത പ്രദേശം ..... പറഞ്ഞു പറ്റിക്കലാണ്‌ തൊഴില്‍ (ചിലര്‍ മാര്‍ക്കറ്റിംഗ് എന്നും പറയാറുണ്ട്‌). സഞ്ചാരപ്രിയനാണ്....
	ആദ്യമായി മലയാളം നെറ്റിലെത്തിക്കാന്‍ വരമൊഴി എഡിറ്റര്‍ എന്ന ഒരു സൌജന്യ സോഫ്റ്റ്‌വെയര്‍ ലഭ്യമാക്കിയ വ്യക്തി. ഗൂഗിള്‍ സെര്‍ച്ചില്‍ നിറയേണ്ട വ്യക്തിത്വം അത് ആഗ്രഹിക്കുന്നില്ല അതിനാല്‍ ക്ഷമാപണത്തോടെ നീക്കിയിരിക്കുന്നു.	40 സിബു സി ജെ All opinions I write with this blogger ID are of my own; not that of my employer. ‣ Comments on my blogs are not forwarded to any email groups.
		41 ഡോ.ജയന്‍ ഏവൂര്‍ Ayurvedic doctor working at Goverment Ayurveda College, Thiruvananthapuram(Associate Professor), kerala.
		42 ശ്രീലാല്‍ ബില്ലാള്‍പ്പിലെ കുട്ടീന്റെ പേരെന്താന്ന് പണ്ട് പാറു അച്ചമ്മയോട് ആരോ ചോദിച്ചപ്പോള്‍ പറഞ്ഞെത്രെ "സീര്‍കാല്‍......." അത് കേട്ട് അടുത്തുണ്ടായിരുന്ന അലീമീത്ത തിരുത്തി “അങ്ങനല്ല പാറൂ, സ്രാല്‍...ന്നാന്ന്”.
		43 രമണിക a young man of more than 52 years with not much to claim except some very good friends and a great friend!
		44 ശ്രീ@ശ്രേയസ് ഞാന്‍ ആരാ?
		45 ഹന്‍ല്ലലത്ത് ഞാന്‍ ഹന്‍ല്ലലത്ത് .... വയനാട്ടിലെ വെള്ളമുണ്ടയില്‍ ജനിച്ചു വളര്‍ന്നു. ഇപ്പോള്‍ താമസം മാനന്തവാടി പാണ്ടിക്കടവില്‍. 2006 നവംബര്‍ മുതല്‍ മുംബൈയില്‍ ഒരു സ്വകാര്യ സ്ഥാപനത്തില്‍ ജോലി ചെയ്യുന്നു.
		46 സൂര്യോദയം ചാലക്കുടിക്കാരന്‍.... (sooryodayam@hotmail.com)
		47 ഷെറീഫ് കൊട്ടാരക്കര born in alapuzha town.passed sslc in mohammeden high school degree from kerala university.now resides in kottarakara village.
		48 സുല്‍ ലൊക്കേഷന്‍: തൃശ്ശൂര്‍ \| ദുബൈ : കേരള \| യു. എ. ഇ : India
		49 ഷിജു the friend അധികമൊന്നും പറയാനില്ല. എല്ലാവരോടും സ്‌നേഹം മാത്രം.
		50 നൊമാദ് ലൊക്കേഷന്‍: India
		51 കേരളാഫാര്‍മര്‍ പതിനേഴ് വര്‍ഷത്തെ പട്ടാളസേവനത്തിന് ശേഷം കൃഷി ഉപജീവനമാര്‍ഗമായി കൊണ്ടുനടക്കുന്ന ഒരു കര്‍ഷകന്‍. കാര്‍ഷിക മേഖലയിലെ തെങ്ങുകയറ്റം അറിയാം, പശു വളര്‍ത്തല്‍, കറവ, റബ്ബര്‍ ടാപ്പിങ്ങും അനുബന്ധ പണികളും സ്വയം ചെയ്യുന്നു.
		52 ഹരികൃഷ്ണന്‍/പി പഠിഷു ലൊക്കേഷന്‍: Cherthala, Kochi, Trivandrum : Kerala : India
	ഈ പോസ്റ്റില്‍ ചിത്രം ചേര്‍ക്കരുത് എന്നത് - chandretta i dont like to put my pics in blogs - ചാറ്റിലെ താക്കീത് . അതിനാല്‍ നീക്കിയതാണ്.	53 യാരിദ് “If you know the enemy and know yourself, you need not fear the result of a hundred battles.” – Sun Tzu, Art of War
		54 ഷംസുദീന്‍
		55 ബിലാത്തിപട്ടണം ഗ്ര്യഹാതുരത്വം തേടിയലയും കേവലം ബഹുമലയാളികളില്‍ ഒരുവന്‍ ഞാന്‍ !
		56 HASH നിങ്ങള്‍ക്കെന്നെ ഹാഷ്‌ എന്നു വിളിക്കാം.ഞാന്‍ ഒരു ബിരുധ വിദ്യര്‍ത്ഥി ആണു.പലരും പ്രതികരിക്കാന്‍ മറന്നു പോകുന്ന കാര്യങ്ങളിലേക്കു വിരല്‍ ചൂണ്ടാന്‍ ഞാന്‍ ഈ അവസരം ഉപയോഗിക്കുന്നു.എന്റെ ആശയങ്ങള്‍ വിശകലനങ്ങള്‍ നിങ്ങളൊടു പങ്കുവയ്ക്കന്‍ ബ്ലോഗ്ഗിംഗിലൂടെ ഒരവസരം കിട്ടിയതില്‍ ഞാന്‍ സന്തോഷിക്കുന്നു.
		57 ഡോക്ടര്‍ ജീവിതത്തിന്‍റെ ഈ കുത്തൊഴുക്കില്‍ ഇങ്ങനെ പോവുന്നു.... ഇപ്പൊ കോഴിക്കോട്‌ ബീച്ച് ഹോസ്പിറ്റലില്‍... സ്വന്തം നാട് മലപ്പുറം ജില്ലയില്‍ കൊണ്ടോട്ടിക്കടുത്ത് കിഴിശ്ശേരി... ഭാര്യ നാസ്.. മക്കള്‍ ഇത് വരെ ആയിട്ടില്ല (അതിനുള്ള സമയമൊക്കെ ആവുന്നെ ഉള്ളു) പഠിത്തം കഴിഞ്ഞിട്ട് കുറച്ചു കാലമേ ആകുന്നുള്ളൂ...
		58 വാവ
		59 തോന്ന്യാസി സല്‍‌സ്വഭാവി, സല്‍‌ഗുണസമ്പന്നന്‍, സത്യസന്ധന്‍, ചുരുക്കത്തീപ്പറഞ്ഞാ ഒരൊന്നൊന്നര ഒന്നേമുക്കാല്‍ മാന്യന്‍.... ഇങ്ങളാരും പറയത്തോണ്ടല്ലേ ഞാന്‍ തന്നെ പുകഴ്ത്തുന്നേ?
		60 വിനയന്‍ ആ തടാകത്തില്‍ വിരിഞ്ഞു നിന്ന താമര‌പ്പൂവിന് ഇന്നലത്തെ ഓര്‍മ്മ‌കളുടെ ഗന്ധമായിരുന്നു. ആ നെല്ലിമരച്ചുവട്ടില്‍ നിന്നപ്പോള്‍ എവിടെനിന്നോവന്ന കാറ്റില്‍- ഉതിര്‍ന്നുവീണ നെല്ലിക്കായ്ക്ക്‌ അതേ ഓര്‍മ്മ‌കളുടെ ചവര്‍പ്പുണ്ടായിരുന്നു...
		61 വേണു ലൊക്കേഷന്‍: Ernakulam : Kerala : India
		62 രസികന്‍ വിദ്യാഭ്യാസത്തിനു കുറവുണ്ടെങ്കിലും വിവരക്കേടിനു ഒരു കുറവുമില്ലാത്തതുകൊണ്ട് അക്ഷരത്തെറ്റിന്റെ ബലത്തില്‍ ജീവിച്ചുപോകുന്നു....
		63 സജി (അച്ചായന്‍) അച്ചായന്റെ വയസ്സുകാലത്തെ ഓരോ തമാശകള്‍ ...കൂടെ അല്പം കാര്യവും!
	അഭ്യര്‍ത്ഥന മാനിച്ച് ചിത്രം (ഹരീഷ് തൊടുപുഴയുടെ പോസ്റ്റില്‍) ഇവിടെനിന്ന് നീക്കിയതാണ്.	64 കുമാര്‍ നീലകണ്ഠന്‍ ഒരു ഭാര്യ, രണ്ടുകുട്ടികള്‍, ഒരു മീശ, പിന്നെ കുറേ അഹങ്കാരവും.
		65 അരീക്കോടന്‍ ഒരു സാദാ പാവം ആത്മി - മലപ്പുറം ജില്ലയിലെ ചരിത്രപ്രസിദ്ധമായ അരീക്കോട്‌ നിവാസി.സ്ഥലങ്ങളും ഓഫീസുകളും മാറി മാറി ഇപ്പോള്‍ കോഴിക്കോട്ടെ പ്രശസ്തമായ ഒരു കലാലയത്തില്‍ ജോലി ചെയ്യുന്നു.
		66 ശരത്
		67 ഡി. പ്രദീപ് കുമാര്‍ A MEDIA PROFESSIONAL: JOURNALIST-TURNED BROADCASTER
	അഭ്യര്‍ത്ഥനമാനിച്ച് ചിത്രം (ഈ ചിത്രം ഹരീഷ് തൊടുപുഴയുടെ പോസ്റ്റില്‍) നീക്കിയിരിക്കുന്നു.	68 സെറീന ലൊക്കേഷന്‍: ernakulam : kerala : India
		69 വേദവ്യാസന്‍ ലൊക്കേഷന്‍: തിരുവനന്തപുരം : ദൈവത്തിന്റെ സ്വന്തം നാട് : India അങ്ങനെയിപ്പോ അറിയണ്ട
		70 മിന്നാമിനുങ്ങ് നഷ്ട സ്വപ്നങ്ങളുടെ ഉണങ്ങാത്ത മുറിവുകളും പേറി,എന്തെങ്കിലുമൊക്കെയാകാന്‍ കൊതിച്ച്‌,ഒന്നുമാകാന്‍ കഴിയാത്തതിന്റെ നൊമ്പരവുമായി കഴിയുന്ന ഒരു പ്രവാസി.ഇന്നലെകളില്‍ കണ്ടതെല്ലാം ഒരു പാഴ്ക്കിനാവാണെന്നു കരുതി ഇന്നിനെ ...
		71 കാര്‍ട്ടൂണിസ്റ്റ് സജീവ് Come here ! I will frame you in 3 minutes flat....
		72 ഇര്‍ഷാദ് ഓണാട്ടുകരയിലെ ഉത്സവങ്ങളുടെ നാടായ ഓച്ചിറയില്‍ ജനനം. മേമന മുസ്ലിം എല്‍.പി.എസ്‌, ഓച്ചിറ ഗവ. ഹൈസ്കൂള്‍, റ്റി.എച്ച്‌.എസ്‌ കൃഷ്ണപുരം, ഗവ. പോളീടെക്നിക്‌ തിരൂരങ്ങാടി, ആര്‍.ഐ.റ്റി(ഗവ. എഞ്ചി. കോളേജ്‌) കോട്ടയം എന്നിവിടങ്ങളില്‍ വിദ്യാഭ്യാസം.
		73 ബാബുരാജ് ഓ.. അങ്ങിനെ പ്രത്യേകിച്ച്‌ ഒന്നുമില്ല, ഒരു സാധാരണക്കാരന്‍.
		74 ഹരീഷ് ഞാന്‍ ഹരീഷ്, നാട് തൊടുപുഴ, നാട്ടില്‍ ചെറിയ ബിസ്സിനസ്സ്, വിവാഹിതനാണ്, ഒരു മോള്‍... എന്റെ മനസ്സിലുള്ള എളിയ അറിവുകള്‍ കൂട്ടുകാരായ നിങ്ങളുമായി പങ്കു വയ്ക്കുവാന്‍ ആഗ്രഹിക്കുന്നു, എന്നെക്കൂടി നിങ്ങളിള്‍ ഒരാളായി കരുതി സഹകരിക്കുവാന്‍ അനുഗ്രഹിക്കണമെന്നു വിനയപൂര്‍വം അപേക്ഷിച്ചു കൊള്ളുന്നു.....
		75 ഷിജു അലെക്സ് സ്വദേശം പാലക്കാട് ജില്ലയിലെ കരിമ്പ പഞ്ചായത്തില്‍. ബാംഗ്ലൂരില്‍ ജോലി. ജ്യോതിശാസ്ത്രം, ഭൗതിക ശാസ്ത്രം എന്നിവയില്‍ സവിശേഷ താല്‍പര്യം.
	അഭ്യര്‍ത്ഥന മാനിച്ച് ചിത്രം ( പോസ്റ്റ് ഇതാണ്)നീക്കിയിരിക്കുന്നു.	7 6 ചിത്രകാരന്‍ സുഖിപ്പിക്കല്‍ ആര്‍ക്കും നടത്താവുന്ന ഉപരിപ്ലവമായ മാന്യതയാണ്‌. എല്ലാവരും സുഖലോലുപരായി കമ്പോളസംസ്കാരത്തിന്റെ ലഹരിയില്‍ ആറാടുമ്പോള്‍, അപ്രിയ സത്യങ്ങള്‍ കാണാനും പറയാനും ആരെങ്കിലും വേണമല്ലോ!!! ചിത്രകാരന്‍ എളിയരീതിയില്‍ ആ ധര്‍മ്മം നിറവേറ്റട്ടെ!!!
		77 Sherlock ഗൃഹാതുരത്വമെന്ന ജാഡയുമായി ഉദ്യാനനഗരത്തിന്റെ ഒരു കോണില്‍...[അത്യാവശ്യം വരിക്കാരുള്ള ഒരു അനോണീബ്ലോഗിന്റെ ഉടമയായതിനാല്‍ ഇനി ഈ ഐഡിയില്‍ നിന്നും കാര്യമായി ഒന്നും പ്രതീക്ഷിക്കണ്ടട്ടാ]
	ചിത്രം ലഭ്യമല്ല	78 പ്രീയ
		79 സിജു ? വെറും ഉഡായിപ്പാ.. പിന്നെ, ഒടുക്കത്തെ ജാഡയും മുടിഞ്ഞ അഹങ്കാരവും.. ഇതിനെല്ലാമുപരി മണ്ടനുമാ..

തല്കാലം ഈ വീഡിയോ കാണൂ
http://blip.tv/play/AYGU0hIC

ബൂലോഗം നിങ്ങളെയും പരിചയപ്പെടട്ടെ

2006-09-12T10:58:00.000-07:00

ബൂലോഗം എന്ന വലിയ കൂട്ടായ്മയിലേയ്ക്‌ സ്വാഗതം

ഇനിമുതല്‍ അവരവരുടെ പ്രൊഫൈലുകള്‍ നിങ്ങള്‍ക്ക്‌‍ സ്വയം രേഖപ്പെടുത്തുവനൊരിടം ലഭ്യമാണ്. അതിനാല്‍ ഈ പേജില്‍ പേരുകളുള്ളവരും ഇല്ലാത്തവരും വിക്കി പീഡിയയില്‍ Geographical Location of Bloggers എന്ന പേജില്‍ വരമൊഴിയും കീമാനും ഉപയോഗിച്ച്‌ മലയാളം ബ്ലോഗുകള്‍ പ്രസിദ്ധീകരിക്കുന്നവര്‍ക്കായി വരമൊഴിയുടെ നായകന്‍ ശ്രീ. സിബുജോണി ഒരുക്കിയ സംവിധാനത്തെ പ്രയോജനപ്പെടുത്തുമെന്ന്‌ വിശ്വസിക്കുന്നു. ആഗസ്റ്റ്‌ മാസത്തിന് ശേഷം ബ്ലോഗര്‍മാരുടെ എണ്ണത്തിലുണ്ടായ വര്‍ദ്ധന ഞങ്ങളെക്കൊണ്ട്‌ കൈകാര്യം ചെയ്യുവാന്‍ ബുദ്ധിമുട്ടുണ്ടാക്കുന്നവയാണ്. അതിനാല്‍ നിങ്ങളുടെ പ്രൊഫൈലുകള്‍ മേല്‍പ്പറഞ്ഞ വിക്കിപീഡിയ പേജില്‍ രേഖപ്പെടുത്തുവാന്‍ വിനയ പുരസരം അഭ്യര്‍ത്ഥിക്കുന്നു.